Құрметті әріптестер! Сіздерді «Метаболикалық код – 2026: болашақ денсаулығы үшін пәнаралық синтез» атты ғылыми нетворкингке қатысуға шақырамыз.
Бұл – заманауи медицинаның негізгі сын-қатерлерінің бірі болып табылатын метаболикалық синдромға арналған маңызды ғылыми-тәжірибелік іс-шара. Метаболикалық синдром кардиология, эндокринология, гастроэнтерология және нутрициология салаларының тоғысында қарастырылады.
Іс-шараның мақсаты – метаболикалық бұзылыстары бар пациенттерді жүргізуде бірыңғай пәнаралық тәсілді қалыптастыру және тиімді шешімдерді клиникалық тәжірибеге енгізу.
Бағдарламада:
• Әртүрлі бағыттағы мамандардың өзара тиімді ықпалдастық стратегиялары
• Пациент маршрутын оңтайландыру – диагностикадан бастап емдеуге дейін
• Метаболикалық денсаулықтағы нутрициология мен микробиотаның рөлі
• Коморбидті пациенттерді жүргізудің заманауи клиникалық алгоритмдері
• Нақты клиникалық тәжірибедегі инновациялар мен практикалық шешімдер
Қатысушылар:
кардиологтар, эндокринологтар, гастроэнтерологтар, терапевтер, жалпы практика дәрігерлері, диетологтар және басқа да мамандар.
Өткізу күні:
2026 жылғы 9 сәуір
Өткізу орны:
Алматы қаласы, Best Western Plus Atakent Park Hotel
Формат: (офлайн)
Іс-шара соңында қатысушыларға сертификаттар табысталады.
Конференцияға қатысу және сертификат алу ережелерімен https://kaims.kz/ сайтында таныса аласыздар.

Бағдарлама
Құрметпен, Ұйымдастыру комитеті